لاہور.... پاکستانی اداکارہ ماہرہ خان نے کہا ہے کہ بھائی کو پالنے کےلئے 2 نوکریاں کرتی رہی ۔انہوںنے کہا کہ میری زندگی کی جدوجہد بظاہر کسی کو نظر نہیں آتی لیکن میں ان تمام کوششوں کا ایک چارٹ بنا سکتی ہوں کیونکہ میں 16 سال کی عمر میں لاس اینجلس میں منتقل ہوئی، جہاں میں 2نوکریاں کرتی تھی اور اپنے بھائی کو پالتی تھی۔ اس کی تعلیم کا خرچ اٹھاتی تھی۔انہوں نے کہا کہ جب میں رات کو فارمیسی کا شٹر بند کر رہی ہوتی تھی تو اللہ سے دعا مانگتی تھی اور خود کو بڑی اسکرین پر دیکھتی تھی یہ بات ہر وقت میرے ذہن میں ڈانس کر رہی ہوتی تھی۔
