راولپنڈی... آپریشن خیبر فور میں پاک فوج نے مزید کامیابیاں حاصل کی ہیں۔ سیکیورٹی فورسز نے راجگال کا110 مربع کلو میٹرعلاقہ کلیئر کرالیا۔ آئی ایس پی آر کے مطابق پاک فوج نے خیبرایجنسی کے علاقے ووچہ وانا، باغ، زیارت سرے اور پاک درہ کو کلیئر کر دیا۔ دہشتگردوں کی متعدد پناہ گاہیں تباہ کردی گئیں۔ کئی بارودی سرنگوں کو ناکارہ بنادیا گیا۔ دریں اثناء رینجرز، سی ٹی ڈی اور پولیس نے پنجاب میں دہشت گردوں اور ان کے سہولت کاروں کے خلاف کارروائیاں کیں۔ لاہور، اسلام آباد او رراولپنڈی سے 42 مشتبہ افراد کو گرفتار کیا گیا۔ ان پر دہشت گردوں کو پناہ فراہم کر نے کا الزام ہے۔
