ادارہ امور حرمین شریفین نے کہا ہے کہ رمضان المبارک 1446 ھ مطابق 2025 کے دوران الیکٹرک گالف کارٹس سروس سے 10 لاکھ سے زیادہ زائرین مستفیض ہوئے۔
ادارہ امور حرمین شریفین نے اپنے آفیشل اکاؤنٹ ایکس (ٹوئٹر) پر کہا ہے کہ ماہ مبارک کے دوران مسجد الحرام میں گالف کارٹس سروس استعمال کرنے والوں کی تعداد 10 لاکھ 14 ہزار 137 رہی۔
1,014,137 مستفيد من خدمة العربات الكهربائية “الجولف” بـ #المسجد_الحرام خلال شهر رمضان المبارك، وتسجيل رقم قياسي بنقل 57 الف مستفيد في ليلة واحدة ( ليلة 27 ).#نجاح_موسم_العمرة pic.twitter.com/xYFv84mhB1
— الهيئة العامة للعناية بشؤون الحرمين (@AlharamainSA) April 1, 2025
ادارہ حرمین شریفین نے مزید بتایا کہ اعدادوشمار کے مطابق رمضان المبارک کی 27 ویں شب کو 57 ہزار سے زیادہ افراد کو گالف کارٹس سروس فراہم کی گئی۔
گالف کارٹس سے عمرہ کرنے کی سہولت خاص طور پر بزرگوں اور خصوصی ضروریات کے حامل افراد کے لیے ہے تاکہ وہ مسجد الحرام میں ہجوم کے درمیان آسانی سے اپنا عمرہ کرسکیں۔
واضح رہے کہ گالف کارٹ سے طواف کے لیے ایک زائر کا کرایہ 50 ریال جبکہ سعی کے لیے 50 ریال مقرر ہیں۔ ایک گالف کارٹ میں کم از کم 6 افراد کی گنجائش ہوتی ہے۔
