ثنا میر نے کپتانی سے ریٹائرمنٹ کا اعلان کردیا

لاہور: قومی ویمنز کرکٹ ٹیم کی کپتان ثناءمیر نے قیادت سے دستبردار ہونے کا اعلان کیا ہے۔سوشل میڈیا پر جاری ایک کھلے خط میں قومی ویمن کرکٹ ٹیم کی کپتان نے کوچ صبیح اظہر کی رپورٹ میڈیا پر آنے پر تنقید کرتے ہوئے کہا کہ ڈیانا بیگ کو ٹیم میں شامل نہ کرنے پر کوچ کے ساتھ سب سے بڑا اختلاف تھا، پیسر اچھی فارم میں تھیں اور انہیں ٹیم کا حصہ بنانا چاہتی تھی، مجھے اپنے فیصلوں پر کوئی پچھتاوا نہیں ہے، ورلڈ کپ میں 4 میچز میں یقینی فتح سے ہاتھ دھونے پڑے، اسپنرز خصوصا لیفٹ آرم اسپنرز نے نئی بال کے ساتھ ٹاپ آرڈر بلے بازوں کو قابو کیا۔ اس کے علاوہ ٹیم میں ایسی پلیئرز کی کمی ہے جو دباومیں پرفارم کر سکیں۔ ویمنز ٹیم کا ایسا حال کیوں ہوا؟ثنا میر نے مزید کہا کہ میری ترجیح تھی کہ اس حوالے سے میڈیا پر کوئی بات نہ کروں لیکن کوچ کی خفیہ رپورٹ منظر عام پر آنے، جی ایم ویمنز ونگ اور چیئرمین پی سی بی کی جانب سے ان پر کئے جانے والے تبصروں کے بعد یہ راستہ اپنایا۔ ویمنز ونگ کے موجودہ سیٹ اپ کے ساتھ کسی بھی پوزیشن پر کام نہیں کر سکتی تاہم اگست کے آخر میں وطن واپسی پر ویمنز کرکٹ کی بہتری کیلے مفصل رپورٹ ضرور پیش کروں گیا۔