ہوٹل کھول رہاہوں، اداکاری نہیں چھوڑ رہا،عامر علی

بالی وڈ اداکار عامر علی نے کہا ہے کہ وہ صرف آمدنی بڑھانے کے لئے اپناہوٹل نہیں کھول رہے بلکہ کچھ نیا کرنا چاہتے تھے۔ ذرائع کے مطابق اداکار عامر علی ورسووا میں اپنا پہلا ہوٹل کھولنے کی تیاریوں میں مصروف ہیں۔ انہوں نے کہا ہے کہ ان کی ہمیشہ سے خواہش تھی کہ وہ اپنا ہوٹل کھولیں اور اب انہیں یہ موقع ملا ہے ۔ وہ بہت جلد ممبئی میں بھی ہوٹل کھولیں گے اور یہ ان کا جنون ہے ۔انہوں نے کہا کہ وہ اداکاری نہیں چھوڑ رہے ، وہ پہلے ایک اداکار ہیں لیکن وہ صرف اداکاری تک محدود نہیں رہنا چاہتے۔اداکار نے کہا کہ اگر انہیں اچھے کردار کی پیشکش کی گئی تووہ اداکاری کی طرف دوبارہ واپس آئیں گے۔