کشتی پر دنیا کا چکر لگانے والی بیٹیوں پر ناز ہے، مودی

نئی دہلی۔۔۔۔وزیر اعظم نریندر مودی نے پال کشتی پر دنیا کا چکر لگانےکی مہم پر نکلنے والی ہندوستانی بحریہ کی6جانباز خواتین اہلکاروں کے جذبات کو سراہتے ہوئے کہا کہ پورے ملک کو ان پر ناز ہے۔ مودی نے ریڈیو پر ’’من کی بات‘‘پروگرام میں کہا کہ بحریہ کی 6جانباز بیٹیاں ایک چھوٹی پال کشتی پر سمندر کے راستے دنیا کا چکر لگانے کی مہم پر نکلنے والی ہیں ۔انہوں نے کہا کہ ’’سمندر ی لہروں کے درمیان جرأت کے ساتھ ہماری یہ 6بیٹیاں گزریں گی ۔میں ان کی بہادری اور جذبہ کو سلام کرتا ہوں۔ واضح رہے کہ بحریہ کی6جانباز خواتین اہلکار لیفٹیننٹ کمانڈر ورتیکا جودی کی قیادت میں آئندہ ماہ کے آغاز میں اس مہم پر نکلنے والی ہیں۔