عابد شمعون چاند جنرل سکریٹری جبکہ جہانزیب امجد فنانس سکریٹری نامزد
ریاض (ذکاء اللہ محسن ) ریاض کی صحافتی تنظیم" پاک میڈیا فورم" کے سالانہ الیکشن کا انعقاد کیا گیا جس میں معروف صحافی الیاس رحیم کو صدر مقرر کیا گیا جبکہ عابد شمعون چاند کو جنرل سیکریٹری کیلئے نامزد کیا گیا ۔
معروف نوجوان صحافی جہانزیب امجد کو فنانس سیکریٹری مقرر کیا گیا ۔ پاک میڈیا فورم کے تمام ممبران کا کہنا تھا کہ ہم پُر اعتماد ہیں کہ یہ تینوں حضرات پاک میڈیا فورم کی ترقی کیلئے اپنا بھرپور کردار ادا کرتے رہیں گے۔ ریاض میں بسنے والی پاکستانی کمیونٹی نے الیاس رحیم ، عابدشمعون چاند اور جہانزیب امجد کو مبارک باد پیش کرتے ہوئے زبردست خراج تحسین کیا ۔
کمیونٹی کے اکابرین نے کہا کہ ان تینوں صحافیوں کی خدمات ناقابل فراموش ہیں۔ ہم دعاگو ہیں کہ اللہ سبحان تعالیٰ ہمیشہ کی طرح آئندہ بھی انہیں حق، سچ پر عمل پیرا رہنے کی توفیق دیتا رہے، آمین ۔ نئے منتخب صدر الیاس رحیم کا کہنا تھا کہ ساتھیوں نے مجھ پر اپنے بھرپور اعتماد کاجو اظہار کیا ہے، میری بھی کوشش رہے گی کہ ان کے اعتماد پران شاء اللہ پورا اتروں۔
پاک میڈیا فورم کے تمام ساتھیوں سمیت سعودی عرب میں پاکستانی کمیونٹی کا بھی ممنون ہوں جنہوں نے مبارک باد دینے کے ساتھ ساتھ میری حوصلہ افزائی بھی کی۔ انشاء اللہ میری کوشش رہے گی کہ اپنے قلم کے ذریعے پاکستان اور پاکستانی کمیونٹی کی خدمت میں پیش پیش رہو ں۔
پاک میڈیا فورم کے نئے منتخب جنرل سیکریٹری عابد شمعون چاند نے خوشی کا اظہار کرتے ہوئے کہا کہ اللہ رب العزت نے جو عزت دی ہے اس پر میں اُس ذاتِ کبریا کا لاکھ لاکھ شکر ادا کرتا ہوں۔ اس کامیابی میں میری ماں اور میری فیملی کی دعائیں شامل ہیں۔ عابدشمعون چاند نے پاک میڈیا فورم کے تمام ممبران کا شکریہ ادا کرتے ہوئے کہا کہ آپ نے مجھ پر اپنے بھرپور اعتماد کاجو اظہار کیا ہے انشاء اللہ میری کوشش ہوگی کہ اپنی اس ذمہ داری کو احسن طریقے سے سرانجام دیتے ہوئے پاک میڈیا فورم کی ترقی کیلئے اپنا بھرپور کردار ادا کروں۔عابد شمعون چاند نے کہا کہ میں پاکستان اور پاکستانی کمیونٹی کو اپنے کردار اور اپنے عمل سے کبھی مایوس نہیں کرو ںگا۔ اپنے قلم کے ذریعے پاکستان اور پاکستانی کمیونٹی کی خدمت کو اپنا بے لوث مشن بنایا ہوا ہے جو میرا سب سے بڑا ایوارڈ ہے۔ ریاض میں پاکستانی کمیونٹی نے بہت پیار دیا جس کو میں کبھی بھی فراموش نہیں کر سکتا۔ فنانس سیکریٹری جہانزیب امجد نے کہا کہ انشاء اللہ پاک میڈیا فورم کی کامیابی کیلئے اپنی تمام تر کوشیش بروے کار لائیں گے۔ پاک میڈیا فورم کے تمام ممبران انتہائی محنتی اور مخلص ہیں اور ہم سب مل جل کر پاکستان اور پاکستانی کمیونٹی کی خدمت کرتے رہیں گے۔ جہانزیب امجد نے بھی مبارک باد دینے پر پاکستانی کمیونٹی اور اس کے اکابرین کا شکریہ ادا کیا۔
