سعودی عرب شامی بحران کے حل میں سنجیدہ ہے، روسی وزیرخارجہ

ماسکو.... روسی وزیرخارجہ سرجی لیفرو نے واضح کیا ہے کہ سعودی عرب شامی بحران حل کرانے کیلئے سنجیدگی سے مدد کر رہاہے۔ سعودی عرب مختلف اپوزیشن گروہوں کے اتحاد کیلئے کوشاں ہے۔ انہوں نے قازقستان کے اپنے ہم منصب کے ساتھ مشترکہ پریس کانفرنس میں کہا کہ سعودی عرب اور مصر نے شامی اپوزیشن گروپوں کو متحد کرنے میں اہم کردار ادا کیا۔ روس متعلقہ فریقوں کے اس طریقہ کار کا خیر مقدم کرتا ہے۔ روسی وزیرخارجہ نے کہا کہ جنیوا مذاکرات فی الوقت معطل ہیں کیونکہ کئی اپوزیشن گروہ پیشگی شرائط تھوپنے کے درپے ہیں۔