کراچی ... کراچی کے علاقے بلدیہ ٹاون رئیس گوٹھ میں ہفتے کی رات رینجرز اور پولیس سے مقابلے میں مرنے والے 8 میں سے 2دہشت گردوں کی شناخت ہوگئی۔ ترجمان نے بتایا دہشت گردوں میں شہریار عر ف ڈاکٹر عبداللہ اور ارسلان بیگ شامل ہیں۔ شہریار انصارشریعہ کا امیر اور ارسلان بیگ ٹاگٹ کلنگ ٹیم کا حصہ تھا ۔مارے گئے دیگر افراد کا تعلق بھی انصار شریعہ سے تھا۔ ترجمان رینجرز کے مطابق انٹیلی جنس کی بنیاد پر مشتبہ ٹھکانے کا محاصرہ کیا گیا تو دہشت گردوں نے فائرنگ کردی ۔ 2 رینجرز اور ایک سی ٹی ڈی کا اہلکار زخمی ہوگیا۔ جوابی کارروائی میں 8دہشت گرد مارے گئے۔ رات کی تاریکی کا فائدہ اٹھاتے ہوئے کچھ دہشت گرد موقع سے فرار ہوگئے۔ دہشت گردوں کے ٹھکانے سے اسلحہ، بارود اور دیگر سامان برآمد کرلیا گیا۔ رینجرز ترجمان کے مطابق فرار ہونے والے دہشت گردوں کی تلاش کے لئے کارروائی جاری ہے۔ذرائع کے مطابق رینجرز اور پولیس کے ساتھ دہشت گردوں کے درمیان 4گھنٹے تک فائرنگ کا تبادلہ ہو ا ۔علاقہ میدان جنگ بنا رہا ۔
