فلسطینیوں کے حقوق کے حامی رہیں گے، شاہ سلمان.....اخبار کی شہ سرخیاں
جمعرات 14 دسمبر 2017 3:00
جمعرات 14دسمبر 2017ءکو سعودی عرب سے شائع ہونے والے اخبار ” الشرق الاوسط“ کی شہ سرخیاں کچھ اس طرح تھیں:۔
٭ بدعنوانی سے انصاف اور فیصلہ کن انداز میں نمٹا جائیگا، شاہ سلمان۔فلسطینیوں کے مسلمہ حقوق کی تائید و حمایت کرتے رہیں گے، انتہا پسندوں کیلئے سعودی عرب میں کوئی جگہ نہیں ، خادم حرمین شریفین
٭ دنیا بھر کے ممالک مشرقی القدس کو فلسطین کا دارالحکومت تسلیم کریں، اسلامی سربراہ کانفرنس کی اپیل، فلسطینی صدر محمود عباس نے فلسطینی کاز کی تائید و حمایت پر خادم حرمین شریفین کو خراج تحسین پیش کیا اور امریکی ثالث کے کردار کے خاتمے کا اعلان کردیا
٭ سعودی عرب افریقی ساحل کے ممالک میں انسداد دہشتگردی کا بجٹ فراہم کرنے والا سب سے بڑا ملک
٭ شاہ سلمان اور ابوظبی کے ولی عہد کی ملاقات، القدس بحران اور یمن کے حالات حاضرہ پر تبادلہ خیالات
٭ سعودی ولی عہد اور شیخ محمد بن زاید سے یمن کی التجمع پارٹی کے صدر کی ملاقات
٭ سیاسی وابستگی تبدیل کرنے پر الجزائر میں گرما گرم بحث
٭ امریکہ اور ترکی کے درمیان کشیدگی کا نیا سلسلہ
٭٭٭٭٭٭٭٭
