پٹنہ ۔۔۔۔۔پٹنہ کی کنکر باغ کالونی میں راجندر نگر آراوبی کے قریب پولیس نے 10کروڑ روپے کے جعلی اسٹامپ پیپر برآمد کرلئے۔ ذرائع کے مطابق اے ایس پی کو اطلاع ملی تھی کہ ایک شخص 10کروڑ روپے کے نقلی اسٹامپ پیپر لے کر جارہا ہے جس پر کارروائی کرتے ہوئے کنکر باغ تھانہ کی پولیس نے علاقے کی ناکہ بندی کردی ۔جیسے ہی وہ شخص نظر آیا پولیس نے اسے پکڑنے کی کوشش کی تاہم وہ اسٹا مپ پیپر سے بھرا بیگ چھوڑ کر بھاگنے میں کامیاب ہوگیا۔ پولیس نے جب بیگ کی تلاشی لی تو اس میں بڑی تعداد میں 500،500روپے کے جعلی اسٹامپ پیپرموجود تھے۔ پولیس کے مطابق برآمد شدہ اسٹامپ پیپر کی قیمت تقریباً10کروڑ روپے ہے۔
