انرجی ڈرنکس کے منفی اثرات
انرجی ڈرنکس کا استعمال بہت تیزی سے عام ہو رہا ہے . خاص طور پر نوجوان طبقہ اسٹیمنا بڑھانے ، تھکاوٹ دور کرنے اور توانائی کے حصول کے لیے انرجی ڈرنکس کا سہارا لیتا دکھائی دیتا ہے . ماہرین صحت انرجی ڈرنکس کے استعمال کو صحت کے لیے نقصان دہ قرار دیتے ہیں . ان انرجی ڈرنکس میں کافی کے مقابلے میں پانچ گنا زیادہ کیفین موجود ہوتا ہے . یہ جسم کے عارضی طور پر توانائی فراہم کردیتا ہے لیکن اس کے دیرپا اثرات جسم کو متاثر کرتے ہیں . ان ڈرنکس کے استعمال سے انسان گھبرا ہٹ اور چڑچڑے پن کا شکار ہو سکتا ہے . یہ دل کی دھڑکن میں اضافے کا سبب بھی بن سکتی ہیں . ماہرین کے مطابق ان ڈرنکس میں ٹاورین موجود ہوتا ہے جو جسم میں شوگر لیول کو متاثر کر سکتا ہے . لہذا صحت مند رہنے کے لیے خود کو سافٹ ڈرنکس اور انرجی ڈرنکس سے دور رکھنا بہت ضروری ہے .
