کنشاسا... کانگو میں اقوام متحدہ کے امن مشن پر حملے میں پاکستانی فوجی نائیک نعیم رضاجاں بحق اور ایک زخمی ہوگیا۔ کانگو کے جنوبی صوبے کیوو میں مسلح گروپ نے گھات لگا کر اقوام متحدہ کے امن مشن پر حملہ کیا ۔ ترجمان اقوام متحدہ نے واقعہ کی تصدیق کردی ۔اقوام متحدہ کے سیکریٹری جنرل نے حملے کی مذمت کرتے ہوئے کہا کہ وا قعہ کے ذمہ داروںکو انصاف کے کٹہرے میں لایا جائے گا۔ ایک بیان میں اقوام متحدہ کے ترجمان نے حکومت پاکستان، عوام اور سوگوار خاندان سے دکھ اور افسوس کااظہار کیا ۔اقوام متحدہ میں پاکستان کی مستقل مندوب ملیحہ لودھی نے ٹوئٹر پر بیان میں کہاکہ حملے کے باوجود پاکستانی امن مشن کے اہلکار عالمی امن و سلامتی کی بہتری کےلئے اپنی کاوشیں جاری رکھیں گے۔
