رنویرنے سبز اسکرٹ پہن کر سب کو حیران کردیا

بالی وڈ اداکار رنویر سنگھ نے حال ہی میں سبز رنگ کا اسکرٹ کا کیا پہنا سماجی رابطوں کی ویب سائٹ پر ان کی تصویریں وائرل ہوگئیں۔ اداکار رنویر سنگھ نے سبزرنگ کا لیڈیز اسکرٹ اور سفید ٹی شرٹ زیب تن کرکے سب کو حیران کردیا۔ اسکرٹ پہننے کی وجہ رنویر سنگھ نے سماجی رابطوں کی سائٹ کے ذریعے اداکارہ پرینکا چوپڑا کو بتائی۔انہوں نے کہا کہ میںنے سبز رنگ کی اسکرٹ خواتین کے عالمی دن کی مناسبت سے پہنی تھی۔ انہیں یہ مشورہ ان کی فلم کی ہدایتکارہ زویا اختر نے دیاتھا کہ عالمی یوم خواتین پر نئی فلم کے سیٹ پر موجود تمام مرد و خواتین اسکرٹ پہن کر آئیں۔ رنویر سنگھ ان دنوں نئی فلم ' گلی بوائے' کی شوٹنگ میں مصروف ہیں۔