اوپو کمپنی کی جانب سے ایف 7 اسمارٹ فون متعارف کرا دیا گیا ہے۔ اسمارٹ فون میں 19:9 ایسپیکٹ ریشو کے ساتھ 6.23 انچ ایل سی ڈی ڈسپلے ، اوکٹا کور میڈیا ٹیک پی 60 پروسیسر اور اینڈرائیڈ اوریو آپریٹنگ سسٹم دیا گیا ہے۔ اسمارٹ فون کو 4 جی بی ریم کے ساتھ 64 جی بی اسٹوریج اور 6 جی بی ریم کے ساتھ 128 جی بی اسٹوریج کے دو آپشنز میں متعارف کرایا گیا ہے۔ فون کے کیمرہ سیٹ اپ میں 16 میگا پکسل کا بیک کیمرہ اور 25 میگا پکسل کا فرنٹ کیمرہ دیا گیا ہے۔ اسمارٹ فون کی بیٹری 3400 ملی ایمپئیر آورز کی ہے۔ 4 جی بی ریم کے ساتھ فون کی قیمت 273 یورو جبکہ 6 جی بی ریم کے ساتھ فون کی قیمت 336 یورو ہے۔ فون کو سرخ ، سلور اور کالے رنگ میں متعارف کرایا گیا ہے۔
