آنے والے بچےکا نام "مرزا ملک" ہوگا، ثانیہ مرزا

  کراچی:پاکستانی کرکٹ اسٹار شعیب ملک کی اہلیہ اور ہندوستانی ٹینس اسٹار ثانیہ مرزا نے کہا ہے کہ ہمارے ہونے والے بچے کا خاندانی نام "مرزا ملک" ‘ ہوگا۔ گوا فیسٹ کے زیراہتمام تقریب میں صنفی تعصب سے متعلق سیشن میں ثانیہ مرزا نے بطور مہمان خصوصی شرکت کی۔ اس موقع پر ثانیہ مرزا نے  کہا کہ ہم 2بہنیں ہیں ہمیں کبھی بھائی کی خواہش نہیں ہوئی اور ہمارے ہوتے ہوئے کبھی والدین کو بیٹے کی کمی محسوس نہیں ہوئی جبکہ اکثر رشتہ دار میرے والدین کو بیٹے کیلئے کہتے تھے۔میں نے شادی کے بعد بھی اپنا خاندانی نام مرزا تبدیل نہیں کیا کیونکہ نام سے پہچان ہے اور یہ آگے بھی بڑھے گا۔ انہوں نے کہا کہ ہمارے بچے کا خاندانی نام "مرزا ملک" ہوگا۔ شعیب اور میں نے اس حوالے سے بات کی اور فیصلہ کیا کہ جب بھی ہمارا بچہ ہوگا اس کا خاندانی نام "مرزا ملک" ہوگا ناکہ صرف’ ملک‘ جبکہ میرے شوہر شعیب ملک بیٹی کے خواہشمند ہیں۔