اوورسیزپاکستانی ووٹ نہیں ڈال سکیں گے ، الیکشن کمیشن
اسلام آباد... الیکشن کمیشن نے واضح کیا ہے کہ اگلے عام انتخابات میں سمندر پار پاکستانیوں کو الیکٹرانک ووٹنگ کی سہولت نہیں دی جاسکتی کیونکہ قانون میں اس کی کوئی گنجائش نہیں الیکشن کمیشن کے ترجمان کی جانب سے جاری اعلامیے کے مطابق سوشل میڈیا پر سمندر پار پاکستانیوں کو الیکٹرانک ووٹنگ کی سہولت دینے کے حوالے سے خبروں کو بے بنیاد اور گمراہ کن قرار دیتے ہوئے کہا کہ سوشل میڈیا پر چلنے والی خبریں حقیقت سے کوسوں دور ہیں۔ ترجمان کےمطابق سمندر پار پاکستانیوں کو ای ووٹنگ کی سہولت فراہم کرنے کیلئے گزشتہ کچھ عرصے سے کام جاری ہے۔ اس سسٹم پر مزید کام کرنے کی ضرورت ہے۔ ترجمان کے مطابق سمندر پار پاکستانیوں کو بیرون ملک ووٹ کی سہولت دینے کیلئے پائلٹ پراجیکٹ پر بھی کام کیا جائے تاکہ ہر قسم کے نقائص سے پاک سسٹم کو سامنے لایا جاسکے۔
