سپرکبڈی لیگ : فیصل آباد شیردلز ا ور گجرات وارئیرز فائنل میں

لاہور: پاکستان سپرکبڈی لیگ چیمپیئن شپ کا فائنل آج ہوگا۔پاکستان سپر کبڈی لیگ کے پہلے سیمی فائنل میں فیصل آباد شیردلز اور ساہیوال بلزمیں مقابلہ ابتدا سے ہی عروج پر تھا ،دونوں ٹیموں نے شاندار کھیل کا مظاہرہ کیا۔ایک موقع پر فیصل آباد شیردلز کو صرف ایک پوائنٹ کی برتری حاصل تھی تاہم بعد ازاں فاتح ٹیم نے تجربہ کار کھلاڑیوں کی مدد سے حریف پر دبا و بڑھانا شروع کیا اور اختتامی لمحات میں خاص طور پر شاندار کھیل کا مظاہرہ کرتے ہوئے 24 کے مقابلے میں33 پوائنٹس سے فتح حاصل کی۔دوسرا سیمی فائنل بھی دیکھنے سے تعلق رکھتا تھا نہایت عمدہ مقابلے میں گجرات واریئرز نے پہلے ہاف کے اختتام پرکشمیرجانباز پر 20۔17 سے برتری حاصل کی، فاتح ٹیم نے بعد ازاں بہتر کھیل کا مظاہرہ کرتے ہوئے پوائنٹس تیزی سے بڑھائے اورنتیجہ 28 کے مقابلے میں 41پوائنٹس سے اپنے نام کیا۔ لاہور تھنڈرز اور اسلام آباد آل اسٹارز کا سفر ایلیمنیٹرمرحلے میں تمام ہوگیا تھا۔ کراچی زور آورز، گوادر بہادرز، پشاور حیدرز اور ملتان سکندرز کوارٹر فائنل میں ہمت ہار گئے تھے۔ سیمی فائنلزمیں چاروں ٹیموں کے اسپورٹرز کی طرف سے زبردست جوش و خروش دیکھنے میں آیا۔