فاٹا کے خیبر پختونخوا میں انضمام کا بل سینیٹ سے بھی منظور

اسلام آباد... سینیٹ نے بھی فاٹا کے خیبرپختونخوا میں انضمام سے متعلق آئینی ترمیم کا بل منظورکرلیا ۔ وفاقی وزیر قانون و انصاف محمود بشیر ورک نے آئینی بل پیش کیا۔ جے یو آئی(ف) اور پشتونخوا ملی عوامی پارٹی نے بل کی مخالفت مسلم لیگ (ن)، پیپلز پارٹی، تحریک انصافِ، ایم کیو ایم اور دیگرنے حمایت کی۔آئینی ترمیمی بل کی حمایت میں 71 اورمخالفت میں 5 ووٹ آئے۔ جے یو آئی (ف) نے رائے شماری میں حصہ نہیں لیا۔واضح رہے کہ قومی اسمبلی نے گزشتہ روز فاٹا کے خیبر پختونخوا میں انضمام سے متعلق 31 ویں آئینی ترمیم منظور کیا تھا۔ سینیٹ سے منظوری کے بعد اب یہ بل صدر مملکت کے دستخط کے بعد آئین کا حصہ بن جائے گا۔فاٹا اصلاحات بل کے تحت آئندہ5 سال تک فاٹا میں قومی اسمبلی کی 12 اور سینیٹ میں 8 نشستیں برقرار رہیں گی ۔ فاٹا کے لئے مختص صوبائی نشستوں پر انتخابات اگلے سال ہوں گے۔ صوبائی حکومت کی عملداری سے صدر اور گورنر کے خصوصی اختیارات ختم ہوجائیں گے۔ ایف سی آر کا بھی مکمل خاتمہ ہو جائے گا۔

مزید پڑھیں:فاٹا کے خیبر پختونخوا میں انضمام کا بل اسمبلی میں منظور