داعش کی رکنیت کا الزام، فرانسیسی خاتون کو عمر قید

بغداد...عراقی عدالت نے فرانسیسی خاتون کو داعش سے تعلق کے الزام میں عمر قید کی سزا سنا دی ۔ اس سے قبل رواں برس فروری میں ملک میں غیر قانونی طور پر داخل ہونے کے الزام میں 7 ماہ قید کی سزا سنائی گئی تھی۔فرانسیسی خاتون کی پہلی سزا پوری ہونے پر فرانس واپس بھیجا جانا تھا تاہم ایک اور عدالت نے انسدادِ دہشت گردی قانون کے تحت داعش سے تعلق کے الزام میں ٹرائل کیا۔ فرانسیسی خاتون نے عدالت کو بتایا کہ وہ بے قصور ہے ، شوہر نے دھوکہ دیا اور بچوں سمیت چھوڑنے کی دھمکی دی۔یہاں تک کہ اس کا پیچھا کرتے ہوئے عراق پہنچ گئی جہاں وہ ممکنہ طور پر داعش میں شمولیت اختیار کرنے کا جارہا تھا ۔ داعش کے نظر ئیے کی مخالفت کرتی ہوں ۔خاتون کے فرانسیسی وکلا نے کہا ہے کہ عمر قید کی سزا کے خلاف اپیل دائر کریں گے۔ وکلا کی ٹیم نے الزام عائد کیا کہ فرانسیسی حکام نے کیس میں مداخلت کرکے اسے مسخ کرنے کی کوشش کی۔