ہمیں رونے کی بجائے اپنی اصلاح کر نا ہو گی،حیا علی

اداکارہ حیا علی نے کہا ہے کہ ہمیں غیر ملکی ڈراموں کا رونا رونے کی بجائے اپنی اصلاح کر نا ہو گی۔ ہمارے ہاں آج بھی اچھے موضوعات کی بجائے ڈنگ ٹپاﺅ پا لیسی اختیار کی جا تی ہے جسکی وجہ سے تر قی کر نے کی بجائے ہم مزید مشکلات کا شکار ہو رہے ہیں ۔ انہوں نے کہا کہ اب نئے رائٹروں کے بہترین اسکرپٹ منتخب کر کے سینیئر اداکاروں کے ساتھ نئے ٹیلنٹ کو بھی آگے لانا چاہئے ۔ جب تک ہم مثبت رحجان کے ساتھ مقابلے بازی کی فضا نہیں بنائیں گے، اس وقت تک غیر ملکی ڈراموں کی یلغار تنگ کرتی رہے گی ۔انہوں نے کہا کہ اگر ہم اپنی اصلاح کر لیں تو بہت سے مسائل حل کئے جا سکتے ہیں ۔