کیپٹن صفدر کیخلاف ایک اور نیب ریفرنس تیار

اسلام آباد...نیب حکام نے اڈیالہ جیل میں قید کیپٹن  صفدر کیخلاف 9ارب روپے کرپشن کا نیا ریفرنس عدالت میں دائر کرنے کا فیصلہ کر لیا ۔ مریم نوازسے شادی کے بعد کیپٹن صفدر کے اثاثوںمیں کئی ارب کا اضافہ ہوا ہے۔ نواز شریف نے بطور وزیراعظم پارلیمنٹ کی منظوری کے بغیر 3ارب روپے کیپٹن (ر) صفدر کی دسترس میں دیئے تھے۔ جس کا اقرار سیکرٹری کابینہ عمار مسعود نے پی اے سی اجلاس میں کیا تھا۔ گزشتہ 5سالوں میں مانسہرہ میں ترقیاتی کاموں کی تکمیل کے لئے 6ارب روپے سے زائد کے فنڈز خرچ کئے گئے جو کرپشن کی نذر ہو گئے تھے۔ نیب حکام نے صفدر کو ملنے والے 9ارب روپے کی تحقیقات شروع کر رکھی تھیں۔مانسہرہ کی ترقیاتی اسکیموں پر مامور ٹھیکیداروں کے بیانات بھی قلمبند کئے گئے ۔ نیب کے ذرائع نے بتایا کہ مانسہرہ میں ترقیاتی اسکیموں کے نام پر اربوں روپے کی کرپشن ہوئی ہے۔ ٹھیکیداروں کو کروڑوں روپے کی ادائیگی پرچی پر کی گئی تھی جس کا کوئی ریکارڈ موجود نہیں ۔ نیب حکام نے تصدیق کی کہ کیپٹن (ر) صفدر کیخلاف جاری 9ارب روپے کی تحقیقات مکمل ہیں۔ جلد احتساب عدالت میں ریفرنس دائر کیا جائے گا ۔

مزید پڑھیں:حسن اور حسین نواز کے وارنٹ انٹرپول کو ارسال