لکی مروت میں دھماکہ‘ 4 افراد زخمی
لکی مروت: ایک مکان میں زور دار دھماکے کے نتیجے میں راہ گیروں سمیت 4 افراد شدید زخمی ہو گئے۔ ذرائع کے مطابق لکی مروت کے علاقے دال ملز کے قریب ایک مکان میں شدید دھماکہ ہوا۔ مقامی ذرائع کے مطابق 2 راہ گیروں سمیت 4 افراد دھماکے کا شکار ہوئے جنہیں طبی امداد کے لیے اسپتال منتقل کیا گیا۔ دھماکے کی نوعیت اتنی شدید تھی کہ مکان مکمل طور پر تباہ ہوگیا۔ دھماکے کی اطلاع ملتے ہیں امدادی ٹیمیں، بم ڈسپوزل اسکواڈ کے اہل کار اور پولیس کی بھاری نفری موقع پرپہنچ گئی اورعلاقے کو گھیرے میں لے لیا۔ زخمیوں کو ابتدائی طبی امداد کے لیے لکی سٹی اسپتال منتقل کیا گیا جہاں 2 افراد کی حالت نازک ہونے کے باعث انہیں پشاور منتقل کردیا گیا۔ پولیس کا کہنا ہے کہ دھماکے کی نوعیت کا اندازہ لگایا جارہا ہے ۔
