پاکستان میں جمعہ 11 اپریل کو سونے کی قیمت کیا رہی؟
پاکستان میں جمعے کو سونے کی قیمت میں 10 ہزار روپے کا اضافہ ریکارڈ کیا گیا ہے۔
آل پاکستان صرافہ جیمز اینڈ جیولرز ایسوسی ایشن کے مطابق جمعے کو 10 ہزار روپے اضافے کے بعد ملک میں سونے کی فی تولہ قیمت 3 لاکھ 38 ہزار 800 روپے ہوگئی ہے جبکہ جمعرات کو اس کی قیمت 3 لاکھ 28 ہزار اور 800 روپے تھی۔
حالیہ اضافے کے بعد 10 گرام سونے کی قیمت میں بھی 8 ہزار 573 روپے کا اضافہ ہوا ہے جس کے بعد اس کی نئی قیمت 2 لاکھ 90 ہزار 466 روپے ہوگئی ہے۔
اس طرح 22 قیراط سونے کے 10 گرام کی قیمت 2 لاکھ 66 ہزار اور 261 روپے رہی۔
دوسری جانب فی تولہ چاندی کی قیمت 3 ہزار 234 روپے اور 10 گرام چاندی کی قیمت 2 ہزار 772 روپے برقرار رہی۔
ایسوسی ایشن کے مطابق عالمی مارکیٹ میں جمعے کو سونے کی قیمت میں فی اونس 100 ڈالر کا اضافہ ہوا ہے اور اس کی نئی قیمت 3 ہزار 218 ڈالر ہوگئی ہے جبکہ بدھ کو اس کی قیمت 3 ہزار 118 ڈالر ریکارڈ کی گئی تھی۔ اس طرح چاندی کی قیمت 31.30 ڈالر رہی۔
