پاکستانی مصنفہ ”ہیلی کاپٹر ایلا“کی نغمہ نگار

فلم”ہیلی کاپٹر ایلا“ رواں برس 7 ستمبر کو ریلیز کی جا ئے گی۔اس فلم میں کاجول اور نیہا دھوپیا سمیت دیگر اداکار ایکشن میں دکھائی دیں گے۔ فلم میں جہاں 44 سالہ کاجول کے منفرد کردار اور اداکاری کی تعریفیں کی جا رہی ہیں وہیں ریلیز سے قبل ہی اس کی کہانی کو بہترین بھی قرار دیا جا رہا ہے تاہم اس فلم کے حوالے سے اطلاعات ہیں کہ اس کے ٹائٹل گانے”تو گیا تو رکی ساری سانسیں“ کی شاعری کسی ہندوستانی نے نہیں بلکہ پاکستان کی معروف مصنفہ ،ڈرامہ و فلم نگار اسماءنبیل نے لکھی ہے۔یوںاسماءنبیل نے بالی وڈ میں نغمہ نگاری کا ڈبیو بھی کر لیا ہے۔فلم کے ٹریلر میں اس گانے کا مختصر حصہ شامل کیا گیا ہے۔