جرمنی نے بھی ایرانی میزائلوں پر تشویش ظاہر کردی

ریاض ... جرمنی نے بھی امریکہ کی طرح ایرانی میزائلوں پر تشویش کا اظہار کردیا۔ جرمن وزیرخارجہ نے امریکی ہم منصب سے واشنگٹن میں ملاقات کے موقع پر امریکہ سے کہا کہ یورپی ممالک کی جانب سے ایران کے ساتھ ایٹمی معاہدے کو بچانے کی کوششوںکے باوجود جرمنی امریکہ کے اہداف سے متفق ہے۔ امریکی وزیر خارجہ پومپیو نے ایران کے ساتھ تجارتی تعلقات برقرار رکھنے کی یورپی اسکیموں پر برہمی کا اظہار کیا تھا ۔ جرمن وزیر خارجہ نے پومپیو سے ملاقات کے بعد صحافیوں سے گفتگو میں کہا کہ جرمنی ایران سے متعلق امریکی اہدا ف کے حصول کیلئے کوشاں ہے ،بس ہمارا طریقہ کار امریکہ سے مختلف ہے۔