افغانستان میں دہشتگردی پر مملکت کا اظہار مذمت

ریاض ۔۔۔سعودی دفتر خارجہ نے افغانستان کے شمال مشرقی علاقے تہار میں انتخابی اجلاس پر دہشتگردانہ حملے کی شدید الفاظ میں مذمت کر دی ۔ اس حملے میں کئی افراد جاں بحق اور زخمی ہو گئے ۔ سعودی عہدیدار نے واضح کیا کہ سعودی عرب دہشتگرد ی اور تخریب کاری کے ہر عمل کو مسترد کرتا ہے اور انتہا پسندی و دہشتگردی کے خلاف افغانستان کے ساتھ ہے ۔ سعودی عہدیدار نے مذکورہ حادثے میں جاں بحق ہونیوالوں کے اعزائ، افغان عوام اور حکومت سے ہمدردی و تعزیت کا اظہار کیا اور زخمیوں کی فوری شفا کی آرزو ظاہر کی ۔