پاکستان: خون کی کمی سے متعلق خوفناک انکشاف

کراچی:  پاکستان میں خون کی کمی کے شکار افراد سے متعلق حیرت انگیز اعداد شمار کا انکشاف ہاو ہے۔ ذرائع کے مطابق پاکستان دنیا کے ان 5 ممالک کی فہرست میں شامل ہوگیا جہاں 62 فیصد آبادی خون کی کمی یعنی اینیمیا کا شکار ہے۔ رپورٹ کے مطابق جاری اعداد شمار میں بتایا گیا ہے کہ ہر 4 میں سے 3 افراد اس خون کی کمی کے مرض میں مبتلا ہیں۔
اقوام متحدہ کے بچوں سے متعلق ادارے یونیسف اور دیگر کی مشترکہ کاوشوں سے کیے گئے جائزے کی رپورٹ میں انکشاف ہوا ہے کہ پاکستان میں 62 فیصد خواتین خون کی شدیدکمی کا شکار ہیں۔ خون کی کمی اور دوران زچگی ایک لاکھ خواتین میں سے 178 جاں بحق ہورہی ہیں جبکہ ایک سال کے ایک ہزار میں سے 78 جبکہ 5سال عمر کے ایک ہزار میں سے 98 بچے مرجاتے ہیں۔
نجی ٹی وی کے مطابق ماہرین کا کہنا ہے کہ پاکستان میں ہر 4میں 3 افراد خون کی کمی کا شکار ہیں، جن میں 80 فیصد بچے اور خواتین شامل ہیں۔ خون میں کمی کی شرح شہر کے مقابلے میں دیہی آبادی میں بہت زیادہ ہے۔خون کی کمی کی بنیادی وجہ غذائی قلت ہے جبکہ بچوں میں آلودہ پانی کے استعمال سے آنتوں میں کیٹرے ہو جاتے ہیں جوخون کی کمی کا سبب بنتے ہیں۔
ماہرین کا کہنا ہے کہ کمزوری، سانس پھولنا، چڑ چڑا پن، آنکھوں میں اندھیرا چھانا، بلڈ پریشرکم ہونا خون کی کمی کی علامات ہیں۔

مزید پڑھیں:- - - - حکومت مہنگائی کے بہانے تلاش کررہی ہے‘ مفتاح اسماعیل