ہماچل پردیش میں شدید برفباری،ٹریفک معطل
نئی دہلی۔۔۔۔ہماچل پردیش کے کیلانگ اور پٹن وادیوں میں شدید برف باری سے پورا علاقہ قابل دیدہوگیا۔پہاڑوں ، وادیوں اوردرختوں نے برف کی چادریں اوڑھ لیں اور ٹھنڈ ک میں اضافہ ہوگیا۔برفباری کے باعث پنجاب، ہریانہ ، دہلی ، اتر پردیش اور اترا کھنڈ ریاستوں میں موسم سرد ہوگیا۔علاوہ ازیں جموں و کشمیر کے پیر پنجال میں شدید برفباری سے درجہ حرارت میں کمی آگئی۔برفباری کے باعث سری نگر لیہ شاہراہ بندہونے سے ٹریفک اژدہام پیدا ہوگیا۔ محکمہ موسمیات کے مطابق آئندہ3دنوں تک جموں و کشمیر کے پہاڑی علاقوں میں درمیانے درجے کی برفباری کا امکان ہے۔
