واشنگٹن ۔۔۔یمنی وزارت خارجہ نے امریکی جریدے واشنگٹن پوسٹ پر جنگی مجرم کا مضمون چھاپنے پر شدید احتجاج کیا ۔ یمنی دفتر خارجہ نے توجہ دلائی کہ محمد علی الحوثی جنگی مجرم ہے ۔ واشنگٹن پوسٹ نے اس حقیقت سے واقفیت کے باوجود اس کا مضمون کیونکر چھاپ دیا ۔ یمنی وزیر خارجہ خالد الیمانی نے ٹویٹر کے اپنے اکائونٹ پر تحریر کیا کہ یہ بات باعث ننگ و عار ہے کہ محمد علی الحوثی جیسے جنگی مجرم کو واشنگٹن پوسٹ اپنے صفحات پر امن کے نام نہاد پرچار کا موقع فراہم کر رہا ہے ۔ ایران کے وظیفہ خواروں کو امریکی صحافت میں کھل کر اپنا کھیل کھیلنے کا موقع فراہم کیا جا رہا ہے ۔ ایسے لوگ جن کے ہاتھ یمنیوںکے خون میں رنگے ہوئے ہوں، انہیں امن کا پرچم بلند کرنا زیب نہیں دیتا۔
