ہاکی ورلڈکپ:ابتدائی میچ جیتنے کیلئے پاکستان ٹیم کا لائحہ عمل تیار

  لاہور:14ویں ہاکی ورلڈ کپ میں فاتحانہ آغاز کیلئے 4بار کی ورلڈ چیمپیئن پاکستان ہاکی ٹیم نے ابتدائی میچ کیلئے لائحہ عمل تیار کر لیا ہے۔پاکستان ہاکی ٹیم کے کپتان محمد رضوان سینیئر کی زیر نگرانی میٹنگ میں مینجمنٹ کی طرف سے کھلاڑیوں پر واضح کیا گیا کہ وہ کسی سے کم نہیں، اگر جوش کے ساتھ ہوش کا مظاہرہ کرتے ہوئے کھیلیں تو ورلڈ کپ کے پہلے میچ میں کامیابی حاصل کی جا سکتی ہے۔ایونٹ کا باقاعدہ آغاز28 نومبر سے ہو چکا ہے تاہم پاکستان ٹیم اپنا پہلا میچ یکم دسمبر کو جرمنی کے خلاف کھیلے گی، دوسرا میچ 5 دسمبر کو ملائیشیا سے ہوگا،پول میں شامل چوتھی ٹیم ہالینڈ سے پاکستان کی ٹیم 9دسمبر کو نبرد آزما ہوگی۔ 

کھیلوں کی مزید خبرے اور تبصرے پڑھنے کیلئے واٹس ایپ گروپ "اردونیوز اسپورٹس" جوائن کریں