سولر پینل کی لاگت 70ہزار ریال!

دمام ... کنگ عبداللہ ایٹمی توانائی سٹی کے اعلیٰ عہدیدار ڈاکٹر محمد قروان نے بتایا کہ سولر پینل کی لاگت 70ہزار ریال ہے۔ اسے نصب کرنے کی فیس 2300ریال مقرر کی گئی ہے۔ کنگ عبداللہ سٹی دور دراز علاقوں میں توانائی کے مسائل حل کرنے کیلئے مقامی شہریوں اور مقیم غیر ملکیوں کو شمسی توانائی فراہم کرنے کے منصوبے پر کام کررہی ہے۔ انہوں نے بتایا کہ شمسی توانائی سے استفادے کیلئے عمارتوں میں مخصوص انتظامات کرنا پڑتے ہیں۔ اس حوالے سے تیار کردہ منصوبہ آخری مرحلے میں ہے۔