ایچ ٹی سی ڈیزائر 12 ایس اسمارٹ فون متعارف‎

ایچ ٹی سی کمپنی کی جانب سے نیا فون ڈیزائر 12 ایس متعارف کرایا گیا ہے۔اسمارٹ فون کا ڈیزائن یو 12 لائف سے ملتا جلتا ہے۔فون کا ڈسپلے 5.7 انچ کا ہے اور اس میں کوئی نوچ بھی شامل نہیں کیا گیا۔ فون کے سائیڈ میں بیزل انتہائی کم جبکہ اوپر اور نیچے قدرے زیادہ ہیں۔ اسمارٹ فون میں اسنیپ ڈریگن 435 پروسیسر ، 3 جی بی ریم کے ساتھ 32 جی بی اسٹوریج اور 4 جی بی ریم کے ساتھ 64 جی بی اسٹوریج دیا گیا ہے۔فون کی پشت پر ایل ای ڈی فلیش کے ساتھ 13 میگاپکسل کا کیمرہ اور فرنٹ پر بھی 13 میگا پکسل کا کیمرہ دیا گیا ہے۔ فنگر پرنٹ اسکینر کو فون کی پشت پر شامل کیا گیا ہے۔ اسمارٹ فون کی بیٹری 3,075 ملی ایمپیئر آورز کی ہے۔ فون کو کالے ، سلور اور سرخ رنگ میں متعارف کرایا گیا ہے۔ 3 جی بی ریم کے ساتھ فون کی قیمت 195 ڈالر جبکہ 4 جی بی ریم کے ساتھ 225 ڈالر ہے۔