لٹیروں کا دفاع کرنے والوں پر حیرت ہے‘ وزیرا عظم

اسلام آباد: وزیرا عظم عمران خان نے مسلم لیگ ن کے قائد کے خلاف پانامہ پیپرز اور پیپلز پارٹی کی قیادت کے خلاف جعلی اکاﺅنٹس کی جے آئی ٹی رپورٹس کو ریاستوں کی ناکامی کے حوالے سے ”کیس اسٹڈی“ قرار دیا ہے۔ سماجی رابطے کی ویب سائٹ ٹویٹر پر جاری بیان میں وزیر اعظم کا کہنا تھا کہ پانامہ اور جعلی اکاﺅنٹس کی جے آئی ٹی رپورٹس کیس اسٹڈی ہیں کہ ریاستیں کیسے ناکام ہوتی ہیں اور کس طرح غربت اور قرض میں ڈوبتی ہیں۔ جس طریقے اور جس پیمانے پر عوام کا پیسہ چوری کیا گیا، وہ ناقابل یقین ہے۔ وزیراعظم نے ٹویٹر پر مزید مزید لکھا کہ مجھے ان لوگوں پر حیرت ہے ، جو یہ رپورٹس پڑھنے کے بعد بھی لٹیروں کا دفاع کر رہے ہیں۔