3ممالک میں دہشتگردی کی مذمت
جمعرات 27 دسمبر 2018 3:00
ریاض ۔۔۔ سعودی دفتر خارجہ نے افغانستان، لیبیا اور عراق میں دھماکوں اور دہشتگردانہ حملوں کی سخت الفاظ میں مذمت کردی۔ لیبیا کے دارالحکومت میں دفتر خارجہ ، کابل میں افغانستان کے سرکاری دفتر اور شمالی عراق کے تلعفر شہر میں کار دھماکوں سے متعدد افراد ہلاک اور زخمی ہوئے تھے۔ سعودی عرب نے تینوں ممالک کے دارالحکومتوں میں کئے گئے دہشتگردانہ حملوں کو بین الاقوامی قوانین اور روایات کے سراسر منافی قرار دیا۔ سعودی عرب نے افغانستان،عراق اور لیبیا میںجاں بحق ہونے والو ںکے اعزہ، حکومتوں اور عوام سے ہمدردی و تعزیت کا اظہار کیا جبکہ زخمیوں کی فوری شفا کی آرزو ظاہر کی۔
