جنادریہ کے شائقین کیلئے قرآن پاک کا تحفہ

ریاض۔۔۔ وزارت اسلامی امور و دعوت و رہنمائی کے اہلکار جنادریہ میلہ 33 میں اپنے پویلین آنے والے شائقین کی خاطر مدارات عربی قہوہ ، عمدہ کھجور اورگرم مشروبات سے کررہے ہیں۔ پویلین سے رخصت ہوتے وقت انہیں قرآن پاک ، دینی کتابوں اور کتابچوں کا تحفہ بھی پیش کررہے ہیں۔ وزارت اسلامی امور نے امسال منفرد پروگراموں کا اہتمام کیا ہے۔ فکری آگہی، قرآن کریم کی تجوید کے ساتھ تلاوت ، انگریزی، فرانسیسی اور اسپینی زبانو ںمیں تعارفی سی ڈیز بھی دی جارہی ہیں۔ وزارت نے بچوں کےلئے تعلیمی و تفریحی وسائل سے آراستہ منفرد گوشے بھی استوار کئے ہیںجہاں شائق بچوں کو بے شمار تحفے دیئے جارہے ہیں۔