اسلام آباد... پیپلز پارٹی پارلیمنٹرینز کی نائب صدر سینیٹر شیری رحمان نے کہا ہے کہ پرویز مشرف کی پریس کانفرنس قوم کے لئے حیران کن ہے۔ان کی سیاسی اور جنگی معاملات پر گفتگو لوگوں میں مایوسی پھیلانے کے مترادف ہے۔ایک بیان میں انہوں نے کہا کہ پرویز مشرف جوہری جنگ اور ایٹم بم گرانے کے مشوروں سے گریز کریں۔یہ وقت خطے میں جنگ چھیڑنے کا نہیں۔ امن قائم کرنے کے مشورے د ئیے جائیں۔شیری رحمان نے کہاکہ پرویز مشرف نے تسلیم کر لیا کہ 2005میں بھی وہ اسرائیل سے تعلقات قائم کرنے کی کوشش کر چکے ہیں جو پاکستان کے اصولی موقف کی خلاف ورزی ہے۔ دوسری طرف اسرائیل سے تعلقات بڑھانے پر حکومت کا کوئی وا ضح موقف نہی آیا۔پاکستان فلسطینی مسلمانوں کے بہتے ہوئے خون کو کیسے نظر انداز کر سکتا ہے ۔ اسرائیل فلسطین مسلمانوں کو برداشت نہیں کرتا ،ایٹمی قوت پاکستان کو کیسے برداشت کرے گا۔اس وقت اسرائیل کے حوالے سے پرویز مشرف کی پریس کانفرنس کا جواز کیا ہے۔موجود حکومت پرویز مشرف کی بیانہ پر اپنا موقف بیان کرے۔انہوںنے کہا کہ پیپلز پارٹی اپنے فلسطینی بھائیوں کو نظر انداز نہیں کر سکتی، پرویز مشرف کے بیانہ سے کئی خدشات پیدا ہوگئے ہیں۔
