راولپنڈی ... کنٹرول لائن پر کشیدگی برقرار ہے ۔ہندوستانی فورسز کی جانب سے سیز فائر کی خلاف ورزیوں کا سلسلہ جاری ہے ۔گزشتہ 24گھنٹوں کے دور ان مختلف سیکٹرز پر بلا اشتعال فائرنگ کی جاتی رہی تاہم پاک فوج کی جانب سے موثر کارروائی کئی گئی ۔آئی ایس پی آر کے مطابق نیزہ پیر، جندروٹ، اور باغسر کے علاقوں میں فائرنگ ہوئی۔پاک فوج کی جانب سے موثر جوابی کارروائی کی گئی ۔ پاک فوج ایل او سی پر مستعد اور الرٹ ہے۔دریں اثناءگزشتہ روز کنٹرول لائن پر فائرنگ سے شہید ہونے وا لے حوالدار عبدالرب کی نماز جنازہ انکے آبائی علاقے تونسہ کے گاوں میں ادا کی گئی۔ مکمل فوجی اعزاز کے ساتھ سپرد خاک کردیا گیا۔ پاک فوج کے افسران، اہلخانہ اور شہریوں کی بڑی تعداد نے شرکت کی۔پاک فوج کے دستے نے شہید حوالدار عبدالرب کو سلامی پیش کی ۔ وزیراعظم عمران خان اور سربراہ پاک فوج جنرل قمر جاوید باجوہ کی طرف سے پھول رکھے گئے۔ حوالدار عبدالرب اور نائیک خرم نکیال سیکٹر پر ہندوستانی فوج کی بلااشتعال فائرنگ کے جواب میں ہندوستانی چوکیوں کو نشانہ بناتے ہوئے شہید ہوئے تھے۔
