’یہ تو بالکل کترینہ کیف کی جڑواں ہے‘

انڈین ماڈل اور ٹک ٹاک سٹار الینا رائے کے ویسے تو سوشل میڈیا پر کافی مداح ہیں لیکن آج کل ٹوئٹر پر ان کے بارے میں کسی اور وجہ سے بھی باتیں ہورہی ہیں۔ 

سوشل میڈیا صارفین نے الینا رائے کی کترینہ کیف سے شکل وصورت میں مماثلت پر ان کی تصاویر اور ویڈیوز ٹوئٹر پرشیئر کرنا شروع کر دی ہیں۔

لیکن الینا رائے کے خیال میں ان کی کترینہ کیف سے مماثلت غلط ہے اور ان کے گھر والوں اور نہ ہی قریبی دوستوں نے کبھی نشاندہی کی۔

الینا رائے نے ہندوستان ٹائمز سے بات کرتے ہوئے کہا کہ نئے آنے والے ماڈلز یا اداکاروں کو معروف چہروں سے ملا کر ان کو اپنی حقیقی شناخت سے جدا کیا جاتا ہے۔ ان کا یہ بھی کہنا تھا کہ وہ انڈسٹری میں اپنا مقام پیدا کرنے کی امید کرتی ہیں تاکہ ان کو اپنی شناخت سے پہچانا جائے۔

رائے کے انسٹاگرام پر 30 ہزار سے زیادہ فولوارز ہیں اور ٹک ٹاک پر بھی وہ کافی نامور چہرہ ہیں۔

ٹوئٹر صارف نور سحر نے دونوں کی تصاویر شیئر کرتے ہوئے کہا کہ الینا رائے کے روپ میں کترینہ کیف کی ہم شکل مل گئیں اور ٹک ٹاک سلیبرٹی انٹر نیٹ پر چھا گئی ہیں۔

رائے نے کترینہ کیف کے کام کی تعریف کرتے ہوئے کہا کہ کترینہ نے خود کو بالی وڈ میں بطور ایک ’سٹار‘ منوایا ہے۔ 

ایک اور ٹوئٹر صارف نے رائے کی ویڈیو شیئر کرتے ہوئے کہا کہ وہ شرط لگا کر کہہ سکتے ہیں کہ دونوں شخصیات میں کوئی فرق نہیں۔

رائے ایک سال قبل 2018 میں انڈیا منتقل ہوئی تھیں جہاں وہ ماڈلنگ اور بالی وڈ انڈسٹری میں اپنی قسمت آزمانہ چاہتی ہیں۔ اس سے پہلے بھی وہ لندن میں ماڈلنگ کرتی رہی ہیں۔

ڈاکٹر نامی صارف نے کہا کہ الینا رائے، کترینہ کیف کی جڑواں ہیں اور اس پر ان کے مداح بالکل پرسکون نہیں رہ سکتے۔

رائے نے بتایا کہ جلد ان کی پہلی فلم ’لکھنو جنکشن‘ منظر عام پر آنے والی ہے۔

شوبز کی خبروں کے لیے ’’اردو نیوز شوبز‘‘ جوائن کریں