جدہ :مکرونہ روڈ پر اوور ہیڈ برج کب مکمل ہوگا؟

بلدیہ جدہ کے مطابق مکرونہ روڈ پر اوور ہیڈ برج کی تعمیر آخری مراحل میں ہے۔
بلدیہ او رمحکمہ ٹریفک نے مشترکہ طور پر اعلان کیا ’ برج کی تنصیب کے آخری مرحلے کے باعث مکرونہ روڈ ہفتے کی صبح 22 فروری 2020 سے شام تک بند رہے گی‘۔ 

بلدیہ جدہ کے ٹویٹر اکاﺅنٹ کے مطابق ٹریفک پولیس نے مکرونہ اپ اور ڈاﺅن کے لیے ان اوقات میں متبادل راستے کا انتظام کیا ہے۔ ٹریفک پولیس کا کہناہے’ ہیوی ڈیوٹی گاڑیوں کا داخلہ منع ہے ۔متبادل راستہ ذیلی سڑکوں سے لیا گیا ہے۔ ان سڑکوں پر ہیوی ڈیوٹی گاڑیوں کے داخلے سے ٹریفک کی روانی متاثر ہوسکتی ہے۔

بلدیہ جد نے مزید کہا’ شہر کی تزئین و آرائش اور لوگوں کی سہولت کے لیے ترقیاتی کام جاری ہیں۔ بلدیہ نے مکرونہ روڈ اور آس پاس کے لوگوں سے اپیل کی ہے کہ وہ چند گھنٹو ں کے لیے بلدیہ سے تعاون کریں تاکہ پل کی فٹنگ کا آخری مرحلہ کامیابی کے ساتھ مکمل ہو سکے‘۔

واضح رہے کہ مکرونہ روڈ پر اوور ہیڈ پل راستہ عبور کرنے کے لیے بنایا گیا ہے۔ یہ شاہراہ ہیوی ڈیوٹی ٹریفک کی آمد ورفت رہتی ہے۔ شاہراہ کو پیدل عبور کرنے والوں کے لیے محفوظ اوور ہیڈ پل بنایا گیا ہے۔ پل کی تعمیر مختلف مراحل میں مکمل کی گئی۔
 پہلے مرحلے میں شاہراہ کے دونوں جانب ٹاورز تیار کیے گئے بعد ازاں وہاں جانے کے لیے لفٹ ہول اور سیڑھیاں بنائی گئیں۔ آخری مرحلے میں دونوں ٹاورز کو راہداری سے جوڑنے کے لیے تیار شدہ راہداری ان ٹاوروں پر فٹ کی گئی ہے۔

خود کو اپ ڈیٹ رکھیں، واٹس ایپ گروپ جوائن کریں