سینما گھر بھی بند کرنے کا اعلان

 سعودی عرب میں سمعی و بصری ابلاغی اتھارٹی نے تا اطلاع ثانی سینما گھربند کرنے کا اعلان کیا ہے۔

یہ فیصلہ سعودی عرب کے متعلقہ صحت حکام کی سفارش پر احتیاطی تدابیر کے پیش نظر کیا گیا۔

اخبار 24 اور سرکاری خبررساں ادارے ایس پی اےکے مطابق سعودی حکام نے مقامی شہریوں اور مقیم غیر ملکیوں کی صحت کی حفاظت اور ان کی سلامتی کو یقینی بنانے کے جذبے سے سینما گھروں میں فلموں پر پابندی عائد کی ہے۔ اس کامقصد نئے کورونا وائرس کو پھیلنے سے روکنا اور اسے قابو کرنا ہے۔

واضح رہے کہ سعودی عرب میں کورونا وائرس سے بچاو کے لیے تمام تعلیمی ادارے پہلے ہی بند ہیں جبکہ سفری پابندیاں بھی لگائی گئی ہیں۔