بحرین نے خلیجی شہریوں کی آمد پر پابندی ختم کردی

بحرین نے جی سی سی شہریوں اور ای ویزا ہولڈرز کی آمد پر پابندی اٹھالی ہے۔ جمعے سےعمل درآمد جمعہ سے شروع کیا گیا ہے۔

بحرینی ایئرپورٹ کے حکام نے کہا  کہ جمعہ  4 ستمبر سے جی سی سی ممالک کے شہریوں اور ای ویزا ہولڈرز کے لیے بحرین آنے  کی اجازت دی گئی ہے۔

 ایسے ملکوں کے شہری بھی بحرین آسکیں گے جنہیں ائیر پورٹ، بندرگاہ یا بری سرحدی چوکی پہنچنے پر ویزے جاری کیے جاتے رہے ہیں۔ 

عاجل ویب سائٹ کے مطابق بحرینی ہوائی اڈے کے حکام  نے ٹوئٹر پر بیان میں کہا  کہ  بحرین آنے وا لے مسافروں کا پی سی آر ٹیسٹ ان کے خرچ پر ہوگا۔ 

بحرین پہنچنے والوں کو کورونا ٹیسٹ کا رزلٹ آنے تک ہاؤس آئسولیشن میں رہنا ہوگا۔ اس کی پابندی ہر ایک کو کرنا ہوگی۔  

یاد رہے کہ کورونا وائرس کی وبا کی وجہ سے کئی ماہ سے بحرین میں آمد و رفت پر پابندی لگی ہوئی تھی۔