سعودی پائلٹ کے چار اعزازات کیا ہیں؟

کیپٹن نہار نصار کو قدرت نے بیک وقت چار اعزازت عطا کیے تھے- وہ نہ  صرف یہ  کہ خداداد صلاحیت کے مالک تھے بلکہ خوش قسمت بھی ثابت ہوئے-

اخبار 24 کے مطابق نہار نصار کو سعودی عرب کے پہلے کیپٹن ہونے کا اعزاز ملا- سعودی شاہی ہواباز بننا نصیب ہوا-  انہیں ’طیارالملوک‘ (بادشاہوں کا کیپٹن) کہا گیا- یہ شاہ سعود، شاہ خالد ، شاہ فیصل اور شاہ فہد کے عہد میں شاہی طیاروں کے کیپٹن ہوتے تھے-

نہار نصار 23 برس کی عمر میں کیپٹن بنے تھے- ان کا تیسرا اعزاز یہی ہے کہ یہ دنیا کے سب سے کم عمر کیپٹن بنے-

نہار نصار کو قومی ایئرلائنز السعودیہ کے سینیئر کیپٹن ہونے کااعزاز بھی حاصل ہوا-

نہار نصار نے 1936 میں الخبر میں جنم لیا تھا اور 1994 میں جدہ میں ان کا انتقال ہوا-

خود کو اپ ڈیٹ رکھیں، واٹس ایپ گروپ جوائن کریں