سٹار فٹبالر محمد صلاح کا الہلال سےمعاہدہ آخری مراحل میں

فٹبال ماہر اور ٹی وی اینکر خالد الشنیف نے کہا ہے کہ مصری سٹار فٹبالر محمد صلاح کا الہلال فٹبال کلب سے معاہدہ آخری مراحل میں ہے۔

سبق ویب سائٹ کے مطابق انہوں نے کہا ہے کہ ’الہلال فٹبال کلب کے سربراہ فہد بن نافل اور کلب کے اعلی عہدیدارمعاہدے کو حتمی شکل دینے کے لیے لندن میں موجود ہیں‘۔

انہوں نے کہا ہے کہ ’سٹار فٹبالر محمد صلاح کے ساتھ معاہدہ 99 فیصد طے ہوچکا ہے ‘۔

انہوں نے کہا ہے کہ ’محمد صلاح گرما میں الہلال میں منتقل ہوں گے‘۔

دوسری طرف مبصرین نے کہا ہے کہ ’محمد صلاح نے الہلال میں منتقلی کے لیےگرما کے موسم کا انتخاب کیا ہے کیونکہ حالیہ ٹیم کے ساتھ معاہدہ توڑنے پر انہیں ایک سو ملین پاؤنڈ جرمانہ دینا ہوگا‘۔