ریاض: اسٹاف اینڈ کمانڈ کالج میں سفیر پاکستان کا خطاب

سعودی عرب میں متعین  پاکستانی سفیر راجہ علی اعجاز نے سعودی فورسز کی دعوت پر ریاض میں اسٹاف اینڈ کمانڈ  کالج کا دورہ کیا اس موقع پر سفیر پاکستان نے دوطرفہ تعلقات اور خطے کی صورتحال پر لیکچر بھی دیا۔  

 تفصیلات کے مطابق ریاض میں سعودی کمانڈ اینڈ اسٹاف کالج کے کمانڈنٹ میجر جنرل الرویلی کی دعوت پرسفیر پاکستان نے کمانڈ اینڈ اسٹاف کالج کے وار ونگ کا دورہ کیا اور وہاں موجود طلبا کو پاکستان اور سعودی عرب کے تعلقات اور خطے میں دونوں ممالک کو درپیش چیلنجز کے حوالے سے لیکچر بھی دیا-  

لیکچر کے  دوران راجہ علی اعجاز نے پاکستان کی  تاریخ پر مختصر روشنی ڈالی ۔ سفیر پاکستان نے موجودہ سیاسی و معاشی  حالات کےتناظر میں پاک، سعودی تعلقات  کےحوالے سے گفتگوکی۔  

سفیر پاکستان نے او آئی سی اور سعودی عرب کی تعمیر و ترقی  میں مقیم  پاکستانیوں کے کردار پر بھی روشنی ڈالی-  

اس موقع پر سفیر پاکستان راجہ علی اعجاز نے 21 ویں صدی میں دونوں ممالک کو درپیش چیلنجز اور مواقع کے حوالے سے بھی اپنے خیالات کا اظہار کیا-  

لیکچر کے آخر میں طلبہ نے علاقائی صورتحال  کے تناظر میں پاکستان اورسعودی عرب کے  تعلقات پر مرتب ہونے  والےاثرات سے متعلق مختلف سوالات کیے-  

واضح رہے کہ یہ پہلا موقع ہے کہ جب کسی پاکستانی سفیر کو سعودی کمانڈ اینڈ سٹاف کالج میں لیکچر دینے کے لیے بلایا گیا تھا- 

سفیر پاکستان کے لیکچر سے 2 روز قبل  بھارتی آرمی چیف نے کالج کا دورہ کیا تھا-

خود کو اپ ڈیٹ رکھیں، واٹس ایپ گروپ جوائن کریں