غیر ملکیوں کا کاروبار،اجتماعی رہائش کی شرائط سمیت گذشتہ ہفتے سعودی عرب میں کیا ہوا؟
غیر ملکیوں کا کاروبار،اجتماعی رہائش کی شرائط سمیت گذشتہ ہفتے سعودی عرب میں کیا ہوا؟
اتوار 7 مارچ 2021 5:45
سعودی عرب میں العلا اور ریاض ایئرپورٹس کے اعزازت، سعودیوں کے نام پر غیر ملکیوں کا کاروبار، غیر ملکی ورکرز کی اجتماعی رہائش ، تیل کی پیداوار میں کمی، اور سونے کی قیمتوں میں کمی کے علاوہ چہل قدمی کی مہم سمیت گذشتہ ہفتے کئی اہم واقعات پیش آئے۔ گذشتہ ہفتے سعودی عرب میں پیش آنے والے واقعات پر ایک نظر:
امریکی سفارتخانے نے معمول کی ویزا سروس بحال کردی
سعودی عرب میں امریکی سفارتخانے نے کہا ہے کہ ریاض کے سفارتخانے، جدہ اور ظہران کے قونصلیٹ میں معمول کی نان امیگرنٹ ویزا سروس بحال کردی گئی۔
عرب لیگ کے سیکریٹری جنرل ابو الغیط نے سعودی ولی عہد کو عرب دنیا کی تعمیر و ترقی کے لیے جدوجہد اور سعودی عرب کے لیے ان کی کاوشوں کے اعتراف میں عرب جدوجہد شیلڈ پیش کی۔
بین الاقوامی گولڈ مارکیٹوں میں گزشتہ ایک ہفتے سے قیمتوں میں کمی کا سلسلہ جاری ہے جس کے اثرات سعودی عرب کی سونے کی مارکیٹ پر بھی پڑ رہے ہیں- یہاں 24 قیراط ایک گرام سونے کی قیمت 206.53 ریال میں فروخت ہوتا رہا جبکہ بدھ کو اس کی قیمت 209.30 ریال تھی-
العلا کمشنری کا ہوائی اڈا ’ انٹرنیشنل ایئر پورٹ‘ بن گیا
العلا کمشنری کے ایئرپورٹ کو بین الاقوامی ہوائی اڈے کا درجہ دے دیاگیاہے۔ العلا رائل کمیشن کی جانب سے کہا گیا ہے کہ ہوائی اڈے کے توسیعی منصوبے مکمل ہونے کے بعد سول ایوی ایشن نے بین الاقوامی ہوائی اڈے کا درجہ دینے کی منظوری کردی ۔
غیرملکی ٹرانسپورٹ اداروں اور ٹرکوں کےلیے نئے ضوابط
سعودی پبلک پبلک ٹرانسپورٹ اتھارٹی کے سربراہ ڈاکٹر رمیح الرمیح نے کہا ہے کہ غیرملکی ٹرکوں کو غیر قانونی سرگرمیوں سے روکنے کے لیے 18 سفارشات منظور کی گئی ہیں ان پر جلد عملدرآمد شروع ہوگا۔
سعودی عرب نے اپنی ثقافت، تاریخ اور سماجی زندگی کو دنیا کے سامنے بہترین انداز میں متعارف کروایا ہے جبکہ مملکت کی ’برینڈ سٹریٹجی‘ میں سب سے اہم کردار فیشن کا بھی ہے۔
سعودیوں کے نام سے غیرملکیوں کا کاروبار، 23 اگست تک اصلاح کی مہلت
سعودی وزارت تجارت نے سعودی شہریوں اور غیرملکیوں کو قانون تجارت کی خلاف ورزیوں کی اصلاح کےلیے مہلت دینے کا اعلان کیا ہے۔ اتوار 28 فروری سے 23 اگست تک مہلت سے فائدہ اٹھایا جاسکے گا۔
