شام میں 500 سے زائد فوڈ باسکٹس تقسیم کی گئیں۔ (فوٹو ایس پی اے)
شاہ سلمان امدادی و فلاحی مرکز کی جانب سے یمن اور شام میں ضرورت مندوں میں غذائی اشیا تقسیم کی گئیں۔
سعودی خبررساں ایجنسی ’ایس پی اے‘ کے مطابق شام کی کمشنری حلب میں شاہ سلمان مرکز کی جانب سے 500 سے زائد فوڈ باسکٹس تقسیم کی گئیں جن سے 2400 سے زائد افراد مستفیض ہوئے۔
عدن میں 472 فوڈ کارٹن تقسیم کیے گئے۔ (فوٹو ایس پی اے)
دوسری جانب مرکز کی ٹیموں نے دمشق شہر میں 220 ضرورت مند خاندانوں میں کپڑے تقسیم کیے جو موسم کی ضروریات کو مدنظر رکھتے ہوئے ارسال کیے گئے تھے۔
دریں اثنا شاہ سلمان امدادی مرکز کی ٹیم نے یمن کی کمشنری عدن میں 3 ہزار سے زائد افراد کے لیے 472 اشیائے خورونوش پر مشتمل کارٹن تقسیم کیے جن سے 472 کےقریب خاندان مستفیض ہوئے۔
امدادی مرکز اشیائے خورونوش کے علاوہ ضروری چیزیں بھی فراہم کرتا ہے۔ (فوٹو ایس پی اے)
واضح رہے شاہ سلمان امدادی و فلاحی مرکز دنیا کے بیشتر ممالک میں ضرورت مند افراد و خاندانوں کی امداد میں پیش پیش ہے۔ امدادی مہم کے تحت مرکز کی جانب سے اشیائے خورونوش کے علاوہ موسم گرما و سرما کے لحاظ سے کپڑے ، ادویات و دیگر ضروری اشیا فراہم کی جاتی ہیں۔
