پچھلے 24 گھنٹے کے دوران ایک لاکھ گیارہ ہزار افراد کوویکسین لگائی گئی ہے۔ (فوٹو اے ایف پی)
متحدہ عرب امارات میں سنیچر سترہ اپریل کو پچھلے 24 گھنٹے میں کورونا کے ایک ہزار 958 نئے کیسز سامنے آئے ہیں۔
نئے مریض مختلف قومیتوں سے ہیں، ان سب کی حالت مستحکم ہے اور ان کو ضروری علاج فراہم کیا جا رہا ہے۔۔ وائرس کے مجموعی متاثرین کی تعداد 4 لاکھ 95 ہزار 224 ہوگئی ہے۔
امارات کی سرکاری خبر رساں ایجنسی’ وام‘ نے وزارت صحت کے حوالے سے بتایا ہے کہ پچھلے 24 گھنٹے کے دوران جدید طبی تشخیصی آلات کی مدد سے مزید 2 لاکھ 14 ہزار765 ٹیسٹ کیے گئے۔
متاثرہ افراد میں سے مزید ایک ہزار 545 مکمل صحت یاب ہوگئے۔(فوٹو وام)
وبا سے متاثرہ افراد میں سے مزید ایک ہزار 545 مکمل صحت یاب ہوگئے۔ جس کے بعد صحت یاب ہونے والوں کی تعداد بڑھ کر 4 لاکھ 78 ہزار 63 ہوگئی ہے۔
وزارت کا کہنا ہے کہ گذشتہ 24 گھنٹے کے دوران زیرعلاج مریضوں میں سے مزید 3 چل بسے۔ وائرس سے ہلاکتوں کی تعداد ایک ہزار 550 ہوگئی ہے۔
وزارت نے شہریوں اور مقیم غیر ملکیوں کو احتیاطی تدابیر اور سماجی فاصلے کی پابندی جاری رکھنے کی پھر ہدایت کی ہے۔
علاوہ ازیں وزارت صحت کے مطابق سنییچر کو پچھلے 24 گھنٹے کے دوران مزید ایک لاکھ گیارہ ہزار 779 افراد کو کورونا ویکسین لگائی گئی ہے۔ اب تک مجموعی طور پر 96 لاکھ ایک ہزار 436 افراد کو ویکسین لگائی جا چکی ہے۔
