سعودی ولی عہد شہزادہ محمد بن سلمان نے چاڈ کی عبوری فوجی کونسل کے چیئرمین جنرل مہمت ادریس دیبی سے ٹیلی فون پر رابطہ کیا ہے۔
سعودی خبر رساں ایجنسی ایس پی اے کے مطابق ٹیلی فونک رابطے کے دوران ولی عہد نے چاڈ کے صدر جنرل ادریس دیبی کی وفات پر ان سے اور چاڈ کے عوام سے دلی تعزیت کا اظہار کیا۔
شہزادہ محمد بن سلمان نے کہا کہ ’ خواہش ہے چاڈ میں امن اور استحکام آئے اور عبوری کونسل چاڈ کےعوام کی امنگوں پر پورا اتر نے کے لیے کام کرنے میں کامیاب ہو‘۔
کونسل کے سربراہ نے ولی عہد کے گرانقدر جذبات پر ان کا شکریہ ادا کیا ہے۔
