مدینہ منورہ میں 18سال سے کم عمروں کےلیے ویکسینیشن کا آغاز 

مدینہ منورہ محکمہ صحت نے عیسوی کیلنڈر کے حساب سے 12 سے 18 برس تک کے لڑکوں اور لڑکیوں کو فایزر ویکسین کی پہلی خوراک دینا شروع کردی ہے-

ریجن کی تمام کمشنریوں اور تحصیلوں میں صحتی ایپ کے ذریعے تاریخ حاصل کرنے والوں کو ویکسین دی جارہی ہے- 

سعودی خبررساں ایجنسی ’ایس پی اے‘ کے مطابق وزارت صحت نے تمام شہریوں اور مقیم غیرملکیوں سے کہا ہے کہ  وہ صحتی ایپ کے ذریعے اپنے بچوں اور بچیوں کو ویکسین لگوانے کے لیے تاریخ حاصل کریں- سب لوگ وقت اور تاریخ کی پابندی کریں- 

وزارت صحت نے توجہ دلائی کہ سب کی صحت و سلامتی کے لیے کووڈ 19 کو پھیلنے سے روکنے کے لیے حفاظتی تدابیر کی پابندی ہر حال میں ضروری ہے-